आजदेखि नेपालमा कोरियाली सांस्कृतिक सप्ताह हुदै

२६  सेप्टेम्बर  ,काठमाडौं-
काठमाडौंमा शनिबारदेखि कोरियाली सांस्कृतिक सप्ताह हुँदै छ । सांस्कृतिक सप्ताह आगामी बुधबारसम्म सञ्चालन हुने छ ।

नेपालस्थित गणतन्त्र कोरियाली राजदूतावासले कोरियाली सप्ताह कार्यक्रम आयोजना गर्न लागेको हो । सप्ताहका अवसरमा ११ औँ कोरियन फिल्म प्रदर्शनी, नेपाली र कोरियाली बालबालिकाबीच सामूहिक चङ्गा उडाउन, वकृत्वकला प्रतियोगितालगायत विभिन्न कार्यक्रम आयोजना गर्न लागिएको नेपालस्थित कोरियाली दूतावासले जनाएको छ ।

कार्यक्रममार्फत नेपाली जनतालाई कोरियाली संस्कृतिको अनुभव गराउने उद्देश्य रहेको छ ।

Labels: national