सफल व्यवसायी बन्ने लक्ष्य छ - यम श्रेष्ठ

यम श्रेष्ठ
युवा व्यवसायी
संखु काभ्रे   , हालः काठमाडौं

- आजभोलि के के काम गरिदै छ ??
आजभोली कम्पनीको काममा ब्यस्त छु । र बचेको समयमा सामाजिक कार्य पनि गर्दै आइरहेको छु ।
- तपाईको ब्यबसाय कस्तो खालको हो ? कस्तो चल्दै छ ?
हामी रोजगारीको सिलसिलामा दक्षिण कोरियामा रहेर केहि बर्ष बिताएर फर्केका युवाहरुद्धारा संयुक्त रुपमा लगानी गरी बिदेशमा सिकेको अनुभब, ज्ञान र सिपलाई आफ्नै भूमिमा विभिन्न बहुउद्देश्य बोकेर केहि उदाहरणीय सन्देशमुलक कार्य गर्ने सोचले स्थापित कम्पनी हो । सुरुको अबस्था हो, तर पनि राम्रै गति लिइरहेको छ ।
- कोरियाको उत्पादन नेपालमा किन भित्राईयो ? कस्तो छ यसको माग ?
हामीले कृषि क्षेत्रमा नै आधार बनाएर काम गर्ने सोच भएकोले गर्दा अनुसन्धान पश्चात कफी खेतीको नेपालमा प्रवल सम्भावना र बिदेशमा अत्यधिक माग रहेकोले यस तर्फ हाम्रो ध्यानाकर्षण भयो । नेपालमा कफी खेतीको सम्भावना धेरै भएता पनि यो खेति नेपालमा ब्यबसायीकरण नभएकोले र नेपालमा कफी पिउने संस्कृति पनि नभएको हँुदा केहि समयको लागि कोरियाको उत्पादित ३ इन १ मिक्स कफि आयात गर्ने निर्णयमा पुगेका हौं । तर हाम्रोे लक्ष्य यहाँ आफैले कफी फार्मिङ्ग गरेर कोरिया लगायत अन्य मुलुकमा निर्यात गर्ने र हाल कोरियाबाट आयात गरेको स्प्रेंजा ब्राण्डको कफि कम्पनीसँग कोलाब्रेसनमा नेपालमै उत्पादन गर्ने रहेको छ । छिटो, छरितो, स्वादिलो र सस्तो भएकोले गर्दा कफिको पारखीहरुको एकदमै उपयोगी छ । चियाकै भाउमा कफी पिउन पाइने हुँदा माग राम्रै रहेको छ ।
- तपाई कोरिया बसेर आउनुभाको किन फेरी जानु भएन ?
हामी धेरै सदस्य भएकोले गर्दा आलोपालो तरिकाले कम्पनी संचालन तथा ब्यबस्थापन गर्छौ । त्यसैले कोहि साथीहरु मेरो जिम्मेवारी बहन गर्न आएको अबस्थामा म पुन कोरियामा जान सक्छु । र कम्पनी लगायत अन्य काम बाहिरबाट पनि गर्न सक्छु । यहाँ कम्पनीलाई स्थापित गराउनुपर्ने र केहि अन्य संस्थागत जिम्मेवारीले गर्दा कोरिया नफर्केको हुँ ।
- तपाईंले ब्यबसाय सँगै समाज सेवा पनि गर्दै हुनुहुन्छ ?? यो चाही किन ?
हामी यस ग्रुप कोरिया रहँदा देखिनै सामाजिक कार्यमा सक्रिय थियौ र नेपालमा फर्केपछि पनि ब्यबसायिक कार्य मात्र नगरी ब्यबसायबाट आर्जित आम्दानीबाट र व्यक्तिगत रुपमा केहि अंश अथवा सकेको सहयोग निस्वार्थ रुपमा सामाजिक कार्यमा पनि लगाउने हाम्रो सोच थियो । कोरियामा रहँदा बस्दा यस्तै सामाजिक अभियन्ताको रुपमा धेरै लागिप¥यौं । तर नेपालमा आधिकारिक रुपमा संस्था (फाउन्डेशन) दर्ता गरेर सामाजिक कार्यमा निरन्तरता दिने हाम्रोे कोरिया रहँदा देखिकै सपना हो ।
- नेपालका युवा वर्ग ब्यबसायिक बन्न नसक्नुको कारण के होला ? देशमा रोजगारीको अवसर सिर्जना कसरी गर्न सकिन्छ ?
मेरो व्यक्तिगत बिचारमा देशमा राजनीतिक अस्थीरता, नीति नियम नहुनु, युवाहरुलाई ब्यबसायिक ऋण, कर्जा, अनुदान लगायतका सेवा सुबिधा र तालिम सरकारबाट प्रदान नगर्नु, लगानीको सुनिश्चित नहुनु, देशमा रोजगारीको सिर्जना नहुनु र युवा शक्तिको एकत्रित भावना र विदेश जाने सोच लहड बढेकोले गर्दा पनि नेपालको युवा बर्ग ब्यबसायिक बन्न नसकेको भान हुन्छ । बिदेशी लगानीको उचित बाताबरण, बिदेशबाट फर्केका र नेपालमा नै रहेर ब्यबसाय गर्ने चाहनेलाई प्रोत्साहन, ऋण अनुदान, राजनीतिक हस्तक्षेपबाट मुक्त, उद्योगधन्दाहरु संचालनमा सहजता र स्वरोजगारीको निम्ति सरकारद्धारा विभिन्न तालिमको ब्यबस्था आदि भएमा रोजगारीको अवस्था सृजना हुन्छ ।
- नेपालका युवाले भ्एक् मार्फत कोरिया जान मरिहत्ते गर्नुको कारण के हो ? वास्तवमा कोरियामा नेपालीको अवस्था कस्तो छ ?
    बैधानिक रुपमा थोरै लगानीमा बैधानिक तरिकाले अन्य खाडी मुलुकको तुलनामा कमाइको हिसाबले राम्रोे र सुरक्षित रोजगार गन्तब्य मुलुक भएर पनि होला कोरिया जान चाहनेहरुको भिड बढेको कारण कोरियामा समग्रमा हेर्दा नेपालीको अवस्था राम्रै छ । तर नेपालीको संख्या बढे अनुरुप त्यहाँ त्यतिकै मात्रामा बिभिन्न समस्या पनि बढिरहेको छ । पछिल्लो समयमा कामदारको हित बिपरीत र त्यहाँको कम्पनी मालिकको हितमा नियम बन्नु आदि बिभिन्न कारणले गर्दा केहि अप्ठ्यारो सिर्जना भएको छ ।
- भबिष्यमा तपाईको लक्ष्य के हो ? देश बदल्न युवाको भूमिका र बन्ने संबिधान कुन महत्वपूर्ण हुन्छ ? कसरी ?
    एक सफल ब्यबसायी र सामाजिक सेवामा सक्रिय अभियन्ता बन्ने लक्ष्य छ । युवा भनेको देशको खम्बा हो । भोलि देशको खाका कोर्ने र देश बिकासको अहम् भुमिका निर्वाह गर्ने भनेको युवा हो । युवाको जोश जाँगरमा देशले नयाँ काँचुली फेर्न सक्छ । त्यसैले युवा बर्गलाइ प्राथमिकतामा राखेर संविधानमा उल्लेख भएमा अझ राष्ट्रको लागि फाइदाजनक हुनेछ । किनभने राष्ट्र निर्माण र राष्ट्रलाई प्रगतिको पथमा लम्काउन युवा जोश जाँगर, नयाँ सोच र शक्तिको आवश्यकता हुन्छ ।
- सेक्स भन्नाले के बुझ्नु हुन्छ ? यसको उपयोग कस्तो हुनु पर्छ ?
    यो प्राकृतिक जीवन चक्रको नियम हो भन्ने बुझ्दछु । यसको सहि र सकारात्मक उपयोग हुनुपर्दछ । यसको सहि उपयोगले परिवार, समाज र देशलाई सन्तुलनमा राख्छ । तर यसको दुरुपयोग भएमा समाज कलंकित हुन्छ र बिकृति भित्रन्छ ।
- अन्तमा पत्रिका मार्फत .......
    युवा जोश जाँगर भनेको देश परिवर्तन गर्न सकिने, बिकाशको ज्योति छर्न सक्ने, सम्पूर्ण राजनीतिक अबस्थालाई परिवर्तन गर्न सकिने, देश बिकासको आधार र समय अनुकुलको सुचक भएको कारणले गर्दा पनि बिशेष महत्वपुर्ण भूमिका रहेको हँदा युवाहरु एकजुट भएर सकारात्मक ढंगले राष्ट्र निर्माणको निम्ति केहि सोचौ र अमुल्य जीवनमा सदा सर्वदा जीवित रहन सामाजिक परोपकारी भावनाको सृजना गरेर निस्वार्थ रुपमा सकेजतिको देश र समाजप्रति उत्तारदायी बन्नको निम्ति सबै युवाबर्गमा आग्रह गर्दछु ।
प्रस्तुति -लक्ष्मण तिमल्सिना

Labels: interview