नाकाबन्दीका बावजुत पनि नेप्सेमा हरियाली, बैंक अफ काठमाडौको वर्चश्व

भारत सरकारले लगाएको अघोषित नाकाबन्दी लगाएपछि प्रभावित बनेको शेयरबजार मंगलबार भने केहि सच्चीएको छ । अघिल्लो दिन १७ अंकले घटेको नेप्से मंगलबार झण्डै दश अंकले बढेको छ । मंगलबार नेप्सेमा हरियाली छाउँदा २६ प्रतिशत बोनस सेयर प्रस्ताव गरेको बैंक अफ काठमाडाले कारोबार रकम, कारोबार संख्या र कारोबार भएका शेयर संख्याका आधारमा सबैलाई पछि पारेको छ ।
 सोमबार कारोबार अवधिभर कुनैपनि समूहमा हरियो बत्ती नबलि राताम्मे बन्द भएको बजार मंगलबार भने सबै समूहमा हरियालि छाएर बन्द भएको छ ।

यसदिन नेप्से ९.२१ अंकले बढेर ११६९.३० अंकमा पुगेको छ । बजारमा कारोबार भएका सबै समूहका सूचक उकालो लागेपछि समग्र नेप्से चढेको हो ।

मंगलबार बीमा,जलविद्युत र बैकिंग समूहले समग्र नेप्सेलाई उकासेको हो ।

मंगलबार बैंक अफ काठमाडौको सबैभन्दा बढि ५ करोड ४२ लाख रुपैयाँ बढिको कारोबार भएको छ । यसदिन बिओके कारोबार संख्या,कारोबार रकम र कारोबार भएका शेयर संख्याको आधारमा सबैभन्दा अगाडि रहेको छ । यसदिन बिओकेको ८६ हजार कित्ता शेयर २७३ कारोबारबाट खरिद बिक्री भएका छन भने शेयर मुल्य समेत ८.७२ प्रतिशतले बढेको छ ।



त्यसैगरि मंगलबारको कारोबारमा सानिमाले ४ करोड बढिको कारोबार गर्दा इन्भेष्टमेन्ट बैंक प्रोमोटर र एभरेष्ट बैंकले पनि ३ करोड बढिको कारोबार गरेका छन ।
यसदिन कालिञ्चोक डिभलपमेन्ट बैंक, सिन्धु विकास बैंक र अरुण फाइनान्सका लगानीकर्ताको नाफा झण्डै दश प्रतिशतले बढेको छ । त्यस्तै बैंक अफ काठमाडौको पनि करिब नौ प्रतिशतले बढिले शेयरमुल्य बढेको छ ।

मालिका विकास बैंक,एनआईडिसी क्यापिटल, जेबिल्स फाइनान्स तथा छिमेक लद्युवित्त लगायतका कम्पनीहरु कमाउनेको सूचीमा परेका छन ।

त्यस्तै कन्काई विकास बैंक, लुम्बिनी इन्स्योरेन्स,नेको इन्स्योरेन्स, कन्ट्रि डेभलपमेन्ट बैंक तथा सेति फाइनान्स लगायतका कम्पनी गुमाउनेमा परेका छन ।

यसदिन शेयरबजारमा १२० कम्पनीका २ हजार ३ सय १९ कारोबारबाट ८ लाख ९० हजार कित्ताशेयर ४६ करोड ४४ लाख रुपैयाँ बराबरमा किनबेच भएका छन । अघिल्लो कारोबारको तुलनामा कारोबार रकम भने झण्डै तीन करोड रुपैयाँले घटेको छ ।
-मेरो लगानी

Labels: finance