बैंक अफ काठमाडौले जगेडा कोषसमेत उपयोग गरी २६ प्रतिशत बोनस शेयर दिने

बैंक अफ काठमाडौ(BOK)ले गत बर्षको खुद नाफाबाट लगानीकर्तालाई २६ प्रतिशत बोनस शेयर दिने प्रस्ताव गरेको छ । बैंक संचालक समितिको बैठकले लगानीकर्तालाई आकर्षक बोनस शेयर दिएर चुक्ता पूँजी दुई अर्ब ६७ करोड पुर्याउने प्रस्ताव गरेको हो ।

 गत बर्ष ३३ करोड खुद नाफा गरेको बैंकले पूँजी जगेडा कोष समेत उपयोग गरी बोनस शेयर बाड्ने प्रस्ताव गरेको हो । बैंकले आगामी दुई बर्षसम्म २६ प्रतिशतका दरले बर्षेनी बोनस शेयर र अपुग रकमलाई हकप्रद जारी गरेर चुक्ता पूँजी आठ अर्ब पुर्याउने योजना राष्ट्र बैंकमा पेश गरेको छ ।

बैंकले आफैलाई सक्षम बैंकको रुपमा अगाडि बढाउन चार वटा बाणिज्य बैंकसँग मर्जर र एक्विजिशनको कुराकानी अगाडि बढाएको एक अधिकारीले जानकारी दिए । यसमा लुम्बिनी लगायतका समानस्तरका बैंकहरु रहेका छन् ।

Labels: finance