पिडामा परेका मनोजलाई सहयोगको लागी कोरियामा अपिल

नमस्ते नेपाल कोरिया
९ सेप्टेम्बर ,२०१५ ।
जीबी लामा , कोरिया ।
सोल-प्रार्थना गर्ने ओठहरु भन्दा सेवा गर्ने हात हरु महान हुन्छन, तपाई हाम्रो हातहरु पनि महान बनाऔ मृगौला पिडितलाई सहयोग गरेर विदेशमा पसिनै बगाएर भएपनी राम्रोसँग कमाउँला र परिवारसँग खुसीका साथ जिबन बिताउने सपना थियो च्यासिङ्खर्क गा.वि.स.२, काभ्रेका ३० बर्षीय मनोजकुमार रुम्बाको ।

५ वर्ष विदेशमा पसिना बगाएर कमाएको पैसाले न त परिवारमा सुख नै दिन सके न त सपना नै पुरा गर्न नै । कारण हो उनको दुवै मृगौला फेल भएकोले l घरको आर्थिक अवस्था कमजोर भएका कारण साउदी अरबमा ५ वर्षसम्म क्याट्रिङ सर्भिसमा दुख र संघर्ष गर्दै घर फर्किका उनको सपना सपनामै सिमित भयो ।

२०७० साल असार २९ गते घर फर्केका उनको सुरुमा घुडा दुखेको लक्षण देखा पर्यो । स्वास्थ्यमा दिन प्रतिदिन समस्या बढेपछी साउन ८ गते बिर अस्पतालमा स्वास्थ्य परिक्षण गर्दा युरिक एसिड (बाथ रोग) भएको रिपोर्ट देखियो तर खासै चासो लिएनन उनले । साउदीमा ५ वर्ष श्रम गरेका उनले विदेशमा गएर कमाएको पैसा पुरानो ऋण तिर्न मात्रै ठिक भएपछि फेरी विदेश जाने सोच बनाए ।


काठमाण्डौ चुचेपाटीस्थित लालधनुस मेनपावर कम्पनीमा पासपोर्ट एल्पाई गरे मनोजले । मंसिरमा विदेश जाने भनेर स्वास्थ्य परिक्षणका लागि रगत र पिसाब जाँचेको भएपनी मृगौला सम्बन्धि समस्या देखीएको थिएन । एक्कासी घाँटी दुख्ने र नाकबाट रगत बग्न थालेपछि चैत्र ३० गते शिर मेमोरियल अस्पताल बनेपामा स्वास्थ्य परिक्षण गर्दा मृगौलामा समस्या भएको रिपोर्ट देखियो । सोही दिन चिकित्सकले त्यहाँ उपचार हुन नसक्ने भन्दै मडिकल कलेज तथा शिक्षण अस्पताल इमाडोल–६ ललितपुरमा रिफर गर्यो l अस्पतालमा दुबै मृगौला फेल भएको रिपोर्ट आएपछि उनी मर्नु र बाच्नुको दोसाधमा पुगे ।


एकतातिर निम्न परिवारमा जन्मिएकाले विहान बेलुका छाक टार्न समेत धौ–धौ छ अर्कोतिर विदेश गएर धन कमाई सुख संग बस्ने सपना साचेका उनी दुवै मृगौला फेल भएकोले उपचार गर्न समेत कठिन । घरको परिवार पाल्न ज्याला मजदुरी गर्नुपर्ने उनको बुबा रुद्र बहादुर रुम्बाले भने छोरोको उपचार गर्न घरको जाहे जेथा बेच्ने र लालपुर्जा समेत बन्धकीमा राखेर पनि मृगौला पिडित छोरालाई बचाउँन उनलाई हम्मेहम्मे परेका छ । सहयोगको लागी हातहरु थापे उनले छोराको उपचारको लागि कतैबाट सहयोग जुटाउन नसकेपछि अन्तत उनी दुखी बने। उपचारको लागि आफन्त र गाउँमा ऋण खोज्दै हिडेपनि ऋण पाएनन् उनले । उता छोरा मनोज दुवै मृगौलाले काम गर्न छाडेपछि मृत्युको मुखमा अस्पतालको बेडमा छट्पटाई रहेका छन् ।

धुलिखेल अस्पतालमा उपचार गरिरहेका उनलाई मृगौला प्रत्यारोपणको लागी १०/१२ लाख खर्च लाग्ने बताइएको छ । बिरामीमा बुबा रुद्रबहादुर रुम्बाले छोरा बचाउन आफ्नो मृगौला दिन तयार भए पनी आर्थिक अभाबका कारण मृगौला प्रत्यारोपण गराउन सकिरहेका छैनन l

त्यसकारण कोरियामा रहनु भएका नेपाली दाजु भाई दिदी बहिनी, विभिन्न संघ संस्था हरुलाई सहयोगको लागी अनुरोध गरिएको छ l

सहयोगका लागि सम्पर्क ब्यक्तिहरु:-
तपस तामाङ 01047263748
acc.no. 676210165047 khyangnam bank(code no.039)(타파스)
सानू कान्छालाल वाईबा 01059641729
गुन्जमान तामाङ 01064639252
बिजयकुमार थोकर 01048658420
नेपालको लागि – मनोजकुमार रुम्बा (बिरामी ) मो.न.:- 9803492326 acc.no.:- 081428724652001
सुकुमाया रुम्बा(श्रीमती बिरामिको ) nic bank (suryabinayak)

Labels: korea