खेम कार्की ,  

कोरियाको स्प्रेन्जा कफि नेपाली बजारमा आएको छ । नेपालको लागि आधिारिकि विक्रेता नेपाल योंग स्टार ग्रुपले भित्रयाएको कफि काठमाण्डौ,विराटनगर,ईटहरी , धरान, चितवन ,पोखरा , बनेपा लगायत मुलुकको विभिन्न ठाउबाट विक्रि वितरण शुरु गरेको जनाएको छ ।

राजधानी रिपोर्टस क्लबमा एक कार्यक्रम विच स्प्रेनजा कफि नेपाली बजारमा भित्रयाएको जानकारी दिइएको हो । 

नेपाल चेम्बर अफ कमर्शका निवर्तमान अध्यक्ष सुररेशकुमार बस्नेत लगायत उपस्थित अतिथिहरुले कफिको विरुवामा पानी हालेर नेपालमा कफि विक्री वितरणको औपचारिक सुरुवात गरेका छन । 

नेपाल योंग स्टार ग्रुपका अध्यक्ष यम श्रेष्ठले कफी पारखीहरुको विच कोरियाको स्प्रेन्जा कफि छिट्टै लोकप्रिय हुने बताएका छन । 

नेपालमा कफिको विकास गर्ने दिर्घकालीन लक्ष्यको साथ अगाडि बढेको बताए उनले भने “भविष्यमा नेपालमै कफि उत्पादन तथा प्रशोधन गर्ने कम्पनीको लक्ष्य छ । 

कार्यक्रममा चेम्बर अफ कमर्शका निवर्तमान अध्यक्ष सुरेश कुमार बस्नेतले प्रवासबाट फर्किएका युवाहरुको उदाहरणीय कामको प्रोत्साहन गर्नुपर्ने बताए । युवाहरुले एकजुट भएर सिकेका सिप आफ्नै देशमा लगाएर उधोग विकासमा गर्न लागेकोमा खुसी व्यक्त गर्दै आफु र चेम्बरको तर्फबाट यस कामको लागि सहयोग हुने विचार व्यक्त गरे  । 

नेपाल रेष्टुरेन्ट तथा बार एशोशियसन (रेवान)का सचिव एकराज अधिकारीले नेपाली बजारमा कफिको एकाधिकार तोड्दै रेष्टुरेण्ट व्यवसायीलाई समेत स्प्रेन्जा कफिले सहयोग पु¥याउने बताउनुभयो । उनले नेपाल योंग स्टार ग्रुपले गरेको काम उदाहरणीय र सन्देशमुलुक रहेको बताए । 

कार्यक्रममा उपस्थित कलाकार तेन्डी शेर्पा , नेपाल पर्यटन बोर्डका कपन शाखा अध्यक्ष आनकामी शेर्पा,अपांग सेवा संघ टेन्डी शेर्पा लगायत उपस्थित व्यक्तिहरुले राम्रो कामममा सबैले सहयोग गर्नुपर्ने धारणा राखेका थिए । योग स्टार ग्रुपले नेपालमा कृषि तथा पर्यटन उधोगमा काम गर्नको लागि अध्ययन समेत गरिरहेको छ । कार्यक्रमको उपस्थितहरुले योंगस्टार ग्रुपले सकारात्मक अभियान चलाएको भन्दैे कफिको विस्तारमा शुभकामना दिएका छन । 

रिपोर्टस क्लबका अध्यक्ष ऋषि धमलाले युवाहरुको जोश जागरले गरेको कामलाई सम्पूर्ण मिडिया हरुले समेत प्रवद्र्धन गर्न सहयोग गर्नुपर्ने बताए । 

“स्वादिलो टेस्ट कफिमा बेस्ट”स्लोगन सहित नेपाली बजारमा विक्रिवितरण शुरु भएको यो कफिको खुद्रा मुल्य १५ रुपैया प्रति प्याक रहेको छ । 

चिनी , कफि र दुधको समिश्रण थ्री ईन वन तयारी कफिले समयको बचत हुनुको सस्तो मुल्यमा उपलब्ध भएको कम्पनीको दावी छ । नेपाल योंग स्टार ग्रुप कम्पनी कोरियामा काम गरी फर्केका नेपालीहरुले सामुहिक रुपमा लगानी गरी स्थापना गरी सञ्चालन गरेका हुन । 

यसै विच नेपाल योंग स्टार ग्रुपले सामाजिक उत्तरदायित्वलाई मध्यनजर गरी अनाथ , असहायमा परेकाहरुलाई वार्षिक रुपमा सहयोग गर्ने उदघोष गरेका छन । “नेपाल योङ स्टार फाउन्डेशन” नामक कल्याणकारी कोषको स्थापना गरिएको जानकारी गराइएको छ । यो कोषमा हाल ८ लाख ५० हजार रुपैंया जम्मा भईसकेको समेत कार्यक्रम विच जानकारी गराइएको छ ।