समृद्धिलाइ बचाउन इपिएस छिन्गुद्वारा संकलित रकम हस्तान्तरण

रमेश खावाजु ,दक्षिण कोरिया l 
ब्लड  क्यान्सर पिडित समृद्धि तिमल्सिनालाइ बचाउन दक्षिण कोरियाबाट संकलन गरिएको १ लाख ६४ हजार  रुपैयाँ  नेपालमा सुश्री सरिता श्रेष्ठ मार्फत  समृद्धिकी काकालाइ २३ अप्रिलमा हस्तान्तरण  गरेकी छिन् l
हाल भरतपुर क्यान्सर  हस्पिटलमा उपचार गरिरहेकी  मकवानपुर निवासी ब्लड क्यान्सर पिडित १९ महिनाकी समृद्धि तिमल्सिनालाइ बचाउन दक्षिण कोरियामा अरुण श्रेष्ठ (इपिएस छिङ्गु) को पहलमा सहयोग रकम संकलन गरेको  थियो l दक्षिण कोरियामा सामाजिक सञ्जाल फेसबुक मार्फत दुखमा परेका नेपालीहरुलाइ सहयोग गरेर होस् या कोरियामा विभिन्न दुर्घटना तथा मृत्यु भएका नेपालीहरुलाइ आर्थिक सहयोग गरेर होस्  अरुण श्रेष्ठले  ३ बर्ष देखि निरन्तर रुपमा आपत परेका  नेपालीहरुलाई निस्वार्थ रुपमा सहयोग गरिरहेका छन् l  कोरियामा मजदुरी काम गरेर फुर्सद समयलाइ सहि सदुपयोग गरेर अरुण श्रेष्ठले आफ्नो  प्रयासमा हालसम्म करिब ७ लाख नेपाली रकम संकलन गरेर आपत परेका नेपालीहरुलाइ सहयोग गरिसकेका छन् l  अरुण श्रेष्ठले यस अघि पनि कोरियाबाट आफ्नो नेतृत्वमा काभ्रेको श्री लक्ष्मी नारायण बिद्यालयमा  पुस्तकालय स्थापना गर्न रु २५ हजार ,बम बिष्फोटमा परी घाइते बालक समीर खड्कीको लागि  रु १ लाख १५ हजार सहयोग संकलन गरि नेपाल पठाएका थिए l  त्यसै गरि अपाङ्ग सेवा संघ बुङमतीमा असहाय  बालबालिकाहरुको लागि दशैंमा  नया लुगा किन  रु , ५० हजार  तथा दुबई अदालतबाट मृत्यु दण्डको फैसला सुनाइएका  अनिश खालिङलाइ बचाउन रु ३ लाख ३० हजार कोरियाबाट  सहयोग संकलन गरि नेपालमा हस्तान्तरण गरेका थिए l आफ्ना लागि त जसले पनि गर्छ, आपतमा परेका नेपालीहरुको लागि  केही गर्नु पर्छ भन्ने सोचेर काम गरेर फुर्सदको समयमा नेपालीहरुलाइ सहयोग गरेको इपिएस छिन्गुले नमस्ते नेपाल कोरिया डट कमलाइ बताए l इपिएस छिन्गु अरुण श्रेष्ठले आजकल  परोपकारी बिनाको जीवन ब्यर्थ जस्तो लाग्न थालेको   त्यसैले अब मैले र हाम्रो इ.पी.एस युथ नेपालले  नेपाल तथा  कोरियामा दुखमा परेको नेपालीहरुलाइ सहयोग गर्ने योजना बनाएको पुन बताए l

निस्वार्थ समाजसेवामा  कुनै नाफा हुदैन र जो सुकैले समाजसेवा गर्छु भनेर पनि गर्न सकिदैन । समाजसेवा भनेको निस्वार्थ, निशुल्क  र लोक कल्याणका लागि गरिने कार्य हो। नेपाल तथा विदेशमा आजकल समाजसेवाको नाममा धेरै बिकृतिहरु आइरहेका छन् l  दक्षिण कोरियामा पनि समाजसेवाको नाममा आर्थिक पारदर्शिता नदेखाउने जस्ता बिकृतिहरु रहेको बेला बेलामा नेपालीहरुले गुनासोहरु पोख्ने गर्छन l तर हालसम्म आर्थिक पारदर्शिता खुलाई  अरुण श्रेष्ठ( इपिएस छिन्गु )ले सहयोगी भावनाका साथ् गरेको निस्वार्थ परोपकारी कार्यले गर्दा  दक्षिण कोरियामा धेरै कोरियाबासी नेपालीमाझ झन् झन् लोकप्रिय बन्दै गइरहेको छ l कोरियामा मजदुरी गरेर बचेको समयलाई सहि सदुपयोग गर्दै नेपालीहरुको सहयोगमा खर्चिदै आएका  "इपिएस छिन्गु " नामले चिरपरिचित अरुण श्रेष्ठको यी  कार्यहरु  निकै तारिफ योग्य छ ।

Labels: korea