गायिका जसोदा सुव्वाको पहिलो एल्वम 'धुनहरु' वजारमा ( फोटो फिचर सहित )

नमस्ते  नेपाल कोरिया संवाददाता
 जसोदा सुव्वाले लामो समयपछि आफ्नो पहिलो एकल एल्वम सार्वजनिक गरेकी छन् ।

राजधानीको अनामनगरमा विहीवार आयोजित एक विशेष कार्यक्रमकोमार्फत गायिका कुन्ती मोक्तानले जसोदाको पहिलो एकल एल्वम धुनहरु सार्वजनिक गर्नुभयो । ४ वटा गीत संग्रहित धुनहरु एल्वममा रोमान्टीक आधुनिक तथा पप शैलीका गीतहरु छन् ।

एल्वममा तुलसी वस्नेत, नरेश भट्टराई, कुमार श्रेष्ठ र शम्भु गुरुङको शव्द तथा ताराप्रकाश लिम्बु, विनोद खम्बु, कुमार श्रेष्ठ र शम्भु गुरुङको म्युजीक कम्पोज रहेको छ । एल्वमका ४ मध्ये २ वटा गीतको भिडीयो पनि सार्वजनिक भईसकेको छ । एल्वम विमोचन कार्यक्रममै 'कस्तो हुन्थ्यो' वोलको गीतको म्युजिक भिडीयो सार्वजनिक भयो जसलाई निकेश खड्काले निर्देशन गरेका छन् । भिडीयो कोरियन स्टाईलमा बनेको छ । लोक आधुनिक प्यार्टनको गीत गाएर चर्चामा आएकी जसोदाले गाएको कस्तो हुन्थ्यो वोलको गीत पप फ्लेबरको छ ।

गीतलाई उनले पुरै न्याय गरेर गाएकी छन् । गीतको शव्द र गायकीको तालमेल अनि भिडीयोको मेकिङले यो गीत हिट हुने देखिन्छ । एल्वमकै अर्को भिडीयो 'निदै छैन' यसअघि नै सार्वजनिक भईसकेको छ । आफुले आत्म सन्तुष्टीका लागि गीत गाउने गायिका सुव्वा बताउंछिन् । पछिल्लो समय कोरियामा वस्दै आएकी गायिका सुव्वा आगामी दिनमा थप नयां सृजना लिएर नेपाली सांगीतिक क्षेत्रमा छाउने योजनामा छिन् । एल्वमलाई रुवुशा क्रिएटिभ वर्कसले वजारीकरण गरेको छ

Labels: entertainment