कोरिया बिज्ञान प्रबिधिमा सातौ स्थानमा

कृष्ण पुरी ,नमस्ते नेपाल कोरिया संवाददाता -
सोल,   डिसेम्बर ०२, २०१४
 - दक्षिण कोरिया २०१४ मा आर्थिक सहयोग र विकास (ओईसीडी) संगठनले गरेको रिसर्च अनुसार ३० वटा सदस्य देशहरु  बीच विज्ञान र प्रविधिको क्षमता को मामला मा सातौं स्थानमा परेको छ l


उक्त रिसर्चमा  ओइसिडी औसत स्कोर १०.२८८ मा कोरियाले  १२.५३९ पोइन्ट पाएको  छ l दक्षिण कोरिया   द्वारा  ३१ भन्दा बढी  विधामा बर्गिकरण गरि गरिएको उक्त अध्ययनमा समग्र अनुसन्धान वातावरण अन्तर्गत निजि तथा सरकारी दुवै क्षेत्र समेटिएको थियो ।

संयुक्त राज्य अमेरिकाले  सर्बोच्च स्थान हासिल गर्यो भने क्रमश  स्विट्जरल्याण्ड, जापान, जर्मनी, स्वीडेन ,  नेदरल्यान्ड, आयरल्याण्ड, फिनल्याण्ड र डेनमार्क पनि शीर्ष १०  को सूची मा नै रहेको कोरिया  योन्हाप न्युजमा जनाइएको छ ।
चिली, इस्राएल , स्लोभेनिया र इस्टोनिया भने सत्य तथ्य  डाटाको कमीका कारण अनुसन्धान बाट  बाहिरिएको थियो ।

Labels: agricultureandtech