अस्ट्रेलियामा शेष घलेको जोडीको चमत्कार
नमस्ते नेपाल कोरिया
३० मे ,२०१५
काठमाडौं । गैर आवासीय नेपाली संघ (एनआएन)का अध्यक्ष शेष घले अष्ट्रेलियाको सबैभन्दा धनी ब्यक्तिको ९९ औं स्थानमा पर्न सफल भएका छन् ।
गत वर्ष एक सय ५० औं स्थानमा रहेका घले ९९ औं स्थानमा पर्न सफल भएका हुन् भने उनकी श्रीमती जमुना १०० औं स्थानमा पर्न सफल भएकी छिन् ।
अष्ट्रेलियाको चर्चित बिजनेस म्यागेजीन द रिभ्युले सन् २०१५का सबैभन्दा धनी दुई सय अष्ट्रलियनहरुको सुचिमा घले दम्पतीलाई यस्तो सफलता मिलेको हो ।
पत्रिकाका अनुसार घलेको चामत्कारीक रुपमा अघिल्लो वर्षको भन्दा १५ करोड डलर सम्पत्ति बढेको छ ।
अरु धनाड्यहरुको सम्पत्तिमा ह्रास आएको बेला उनीहरुको समपत्ति भने बढेको हो । गत वर्ष उनीहरुको सम्पत्ति ३३ करोड ५० लाख डलर थियो ।
उनीहरुले अष्ट्रेलियामा मेलवर्न इन्स्टिच्युट अफ टेक्नोलोजी नामक कलेज सञ्चालन गरेका छन् । यहाँ करिब तीन हजारले अध्ययन गरिरहेका छन् ।
यसका अलवा रियल स्टेट, होटल लगायतमा उनीहरुको लगानी छ । घलेकी श्रीमती जमुना अष्ट्रेलियाकी आठौं धनी महिला हुन् ।
अस्ट्रेलियाका सबैभन्दा धनी व्यक्तिको पहिलो नम्बरमा रुपमा १४ अर्ब २० करोड डलर सम्पति सहित यो वर्ष पनि जिना रिनहार्ट छिन् ।
0 comments
Write Down Your Responses