कोरियामा मगर संघको ''तेरिया तथा नेपथ्यको कार्यक्रम''ले सम्पूर्ण रेकर्ड तोडी तहल्का मच्चाउने

निश्चल काउचा ,दक्षिण कोरिया 
कोरियामा आगामी सेप्टेम्बर ७ तारिख छुसकको पहिलो दिने नेपाल मगरसँघ गणतन्त्र कोरियाले आयोजना गर्न लागेको ''नेपथ्य लाइभ कन्सर्ट इन कोरिया साथमा लिटल डान्स क्वीन तेरिया'' नामक कार्यक्रमले तहल्का मच्चाउने आयोजक समितिले दावी गरेको छ ।

आयोजकले  कार्यक्रम अहिलेसम्मकै उत्कृष्ट  हुने तथा कोरियामा हुने नेपाली  कार्यक्रमहरुमा
नया रेकर्ड तोड्ने बताए l   कोरियाको नेपालीहरुको   इतिहासमा पहिलो पल्ट उत्कृष्ट ध्वनि(साउण्ड सिस्टम) १ करोड वन बराबरको उत्कृष्ट साउण्ड सिस्टम र बत्तीहरु प्रयोग गरिने मञ्च तथा हल सजावट समितिका प्रमुख नगेन्द्र थापा मगरले जानकारी दिए । साउण्ड ब्यबस्थापन गर्न साउण्ड इन्जिनियर यल जङ लीको  नेतृत्वमा १० जनाको कोरियन प्राबिधिक टोली कार्यक्रम अवधि खटिने छन ।

कार्यक्रमको लागि तयार गरिएको ९० प्रतिसत टिकट बिक्री भैसकेको आयोजकले जनाएको छ । ''तेरिया मगर सम्मान'' कार्यक्रमको नीम्ति कोरियामा रहेका बिभिन्न कृयाशिल संघसंस्थाहरूले संपर्क गरि सकेको तेरिया मगर सम्मान समितिका पदाधिकारी याम श्रीस मगरले जानकारी दिए ।

आफ्नो धमाकेदार प्रस्तुति दिन नेपथ्य समूह सेप्टेम्बर ४ तारिख कोरिया आईपुग्ने छ भने तेरिया मगर ६ तारिख आईपुग्ने कार्यक्रम व्यवस्थापन समितिका संयोजक झक थापा मगरले जानकारी दिदै आयोजक कलाकारहरूलाई भब्य स्वागत गर्न आतुर रहेको बताए ।  

Labels: korea