नेपाली कामदार माथि कोरियनद्धारा दुर्ब्यबहार

नोमराज गुरुङ ,दक्षिण कोरिया 
कोरियामा नेपाली कामदारमाथि दुर्ब्यबहार  भएको छ । अन्सङस्थित जेल सनाप  नामक अल्मुनियम डिपार्टमा कार्यरत गोपाल सोमईलाई कम्पनीका कोरियन कामदारले हातपात गरेका  गरेका हुन् ।

बिहीबार बिहान ८:२० बजे काम सुरु हुने समयमा फोहोर फाल्ने क्रममा सोमईलाई ती कामदारले तथानाम गाली गर्दै घाटी समातेर लछार पछार गरेका  थिए ।  सोमईको घाटीमा चोट लागेको छ । ‘अझ अल्मुनियमको टुक्रा टिपेर हान्न खोजेका थिए तर भागेपछि हानेनन् ।’ घाइते सोमईले फोनिज कोरियासाग फोनमा कुरा गर्दै भने ।

बिहीबार आफुमाथि हातपात भएपछि शुक्रबारदेखि उनि काममा गएका छैनन् ।  यसअघि पनि अपशब्दहरु प्रयोग गरी गाली गर्ने गरेको सोमईको  गुनासो छ । ‘मलाई कम्पनीमा काम गर्न र बस्न मन छैन, प्रहरीलाई रिपोर्ट गर्न मन छ तर भाषा जान्दिन’ उनले थपे । सोमईको अनुसार कम्पनीको साहु जङजिङह्यङ्लाई घटनाबारे बताए पनि साहुले वास्ता नगरेको र उल्टै तिमीलाई हामीले रिलिज दिदैनौ जता गएनी जाउ भनेर थर्काएका छन् |

पीडित सोमईले  सहयोग गर्न समेत अनुरोध गरेका छन् । उनी २०१३ जुलाई २५ मा ईपिएसबाट कोरिया आएका हुन् । उनले काम गर्ने जेल सानप डिपार्टमा मात्रै जम्मा १० जना नेपाली कामदार छन्।

सम्पर्क: गोपाल सोमई मोबाईल नम्बर ०१०–७२१–३३२९१

Labels: korea